Ish-banorja e Big Brother VIP Kosova 2, Santiana Maloku, prej kohësh është përfolur për një romancë me muzikantin e njohur Patris Berisha.
Dhe dyshimet për një lidhje të mundshme mes tyre lindën, pasi dyshja janë parë shumë afër në disa raste, ku shpesh kanë shkëmbyer pëlqime, komente dhe postime që i kanë bërë ndjekësit të besojnë se mes tyre po lindte diçka më shumë se miqësi.
Por mesa duket kjo marrëdhënie e supozuar u kthye shpejt në temë diskutimi në mediat rozë, sidomos për faktin se të dy kanë preferuar të mos e komentojnë publikisht raportin e tyre.
Së fundmi, ndjekësit kanë vënë re një detaj që ka ndezur thashethemet: Santiana dhe Patrisi nuk ndiqen më në rrjete sociale. Ky veprim ka shtuar kureshtjen mbi marrëdhënien e tyre, a ka pasur një krisje, apo gjithçka ishte thjesht një afërsi e keqinterpretuar nga ana e publikut?
Gjithsesi kjo mbetet për t’u parë në ditët në vijim.
