Gjatë “Për’puthen Prime” të dielës së shkoi, Ana Kauri, tregoi se kishte marrë vendimin që të largohej nga programi, për shkak të zhgënjimeve që ka patur nga djemtë konkurrentë. Gjithashtu ajo u shpreh se nuk po e gjente më veten aty.
Madje, Ana u përball edhe me Rinianin, i cili kishte treguar pëlqimin ndaj saj. Ajo i kërkoi atij që të largoheshin bashkë nga emisioni dhe të vazhdonin njohjen e tyre jashtë.
Por Riniani vendosi që ta refuzonte propozimin e Anës, duke i thënë se nuk u beson fjalëve të saj. Si pasojë, Ana e ndërpreu udhëtimin e saj duke dalë e vetme nga “Për’puthen”.
Një ditë më parë, ajo ka vendosur që të bëjë një bashkëbisedim me ndjekësit e shumtë, të cilët kanë qenë kuriozë të dinë shumë rreth saj.
“Flitet që ti e Fationi jeni bashkë, nëse jeni pse se bëni publike? Përndryshe më pëlqen shumë si njeri”, i ka shkruar ndjekësja.
“Më kanë ardhur shumë pyetje në lidhje me këtë Temë!! Poooor Jo Un dhe Fationi nuk jemi bashkë”, është përgjigjur Ana.
Dyshimet se ata mund të jenë bashkë lindën kur ish-konkurrenti i “Për’puthen” komentoi në fotot e fundit që Ana postoi në “Instagram”, ku ajo tregonte se kishte mbyllur kapitullin e “Për’puthen”.
