Edhe pak javë kanë mbetur nga transmetimi i “Big Brother Vip” në ekranin e Top Channel. Prej kohësh publiku është bërë kurioz që të dijë se kush do të jenë personazhet e njohur të ekranit, që do të bëhen pjesë e reality show-t.
Deri tani dihet vetëm që moderatorja e tij do të jetë Arbana Osmani, një emër mjaft i dashur për publikun shqiptar. Ajo herë pas here ndan me ndjekësit e saj në rrjetet sociale foto apo video të realizuara gjatë momenteve të punës për përgatitjen e “BB Vip”.
Teksa publiku me zor po pret që të shuajë gjithë kuriozitetin në lidhje me konkurrentët dhe të rejat që do sjellë ky format, ka edhe nga ata që bezdisen nga postimet e Arbanës në “Instagram” në lidhe me programin.
Një ditë më parë, moderatorja e njohur postoi një klip promovues ku ka shkruar se “Big Brother Vip” do të vijë në tetor. E pikërisht aty vihet re një koment i një ndjekësi që duket se është acaruar nga postimet e shumta që kanë të bëjnë me reality show-n.
“Thjesht bëhesh e bezdisshme me këto reklama pa lidhje, se do fillojë BB e kemi marrë vesh, u bë kohë, janë shumë acaruese këto reklama 10 sekonda”, i shkruan një ndjekës.
Komenti është lexuar nga Arbana, e cila me shumë sportivitet dhe qetësi ka vendosur që t’i kthejë përgjigje menjëherë.
“Është puna ime dhe më pëlqen shumë, po shumë fare”, i është përgjigjur moderatorja e dashur për publikun.
View this post on Instagram
