Qeveria Hollandeze tha ditën e sotme se po ndërpret përkohësisht vaksinimet e koronavirusit me AstraZeneca për njerëzit nën 60 vjeç pas raporteve të numrit shumë të vogël të njerëzve që vuanin mpiksje të gjakut të pazakontë pasi morën vaksinën.
Vendimi Hollandez vjen tre ditë pasi autoritetet në Gjermani gjithashtu ndaluan përdorimin e vaksinës AstraZeneca në personat nën 60-vjeç duke përmendur shqetësime të reja mbi mpiksjet e pazakonta të gjakut të raportuara në një numër të vogël të atyre që morën vaksinën.
Më herët të Premten, një organizatë Hollandeze që monitoron efektet anësore të vaksinës tha se kishte marrë pesë raporte të mpiksjes së gjakut me numër të ulët të pllakave të gjakut pas vaksinimeve. Të gjitha rastet ndodhën midis shtatë dhe 10 ditëve pas vaksinimeve dhe të gjithë personat e prekur ishin gra të moshës midis 25 dhe 65 vjeç.
Organizata tha se në periudhën kur u raportuan pesë rastet, rreth 400,000 njerëz u vaksinuan në Holandë me AstraZeneca. Ministri i Shëndetësisë Hugo de Jonge thotë se ndalimi i përkohshëm është një masë paraprake.
