Sherri i një viti më parë mes Einxhel Shkirës dhe Stresit bëri menjëherë bujë në rrjet.
Gjithçka nisi kur reperi sulmoi përmes një postimi në “Instastory” moderatoren, e cila kishte shkruar se nuk kishte dalë në protestat e organizuara për vrasjen e 25-vjeçarit nga polici.
Madje ajo shkruante se e dënonte dhunën dhe shkatërrimet e kryera nga protestuesit në kryeqytet.
Lexo edhe:
Einxhel shtonte se nuk dilte në protestë për të shkatërruar qytetin e saj, por protestën e bën çdo ditë të jetës.
Por më i ashpër ishte reagimi i Stresit, i cili ka qenë shumë i përfshirë në këto protesta, ku ka thënë se ka qenë edhe organizatori. Reperi i njohur e ofendonte Einxhel në një reagim në “Instastory” dhe kjo ndezi debate e reagime të shumta në rrjetet sociale.
Edhe reagimi i Einxhel nuk mungoi. Po në “Instastory” ajo shpërndau një video nga intervista që ka zhvilluar me Stresin disa vite më parë, duke shkruar se edhe pse e njihte nuk ia ka bërë ajo ftesën.
Ndërkohë të dielën, Stresi ishte i ftuar në “E diell”, ku është ngacmuar edhe për pjesëmarrjen e Einxhel në “Big Brother VIP”.
Reperi i ka surprizuar të gjithë me deklaratën e tij duke lënë të kuptohet se çdo gjë është lënë pas në të shkuarën.
“Konkurrente shumë e fortë më duket!”, tha Stresi.
