Viti që lamë pas ishte shumë i rëndësishëm për Shpat Kasapi, pasi këngëtari i dha fund beqarisë duke u fejuar me Selvijen.
Pasi u fotografua nga paparacët, këngëtari vendosi që ta bëjë vetë publike lidhjen duke publikuar foto në llogarinë e tij në Instagram.
Pak më vonë, ai publikoi edhe pamjet nga fejesa e tyre, në të cilat Selvija shfaqej e veshur me një fustan të shkurtër të kuq, ndërsa Shpati me një bluzë e pantallona të zeza.
Lexo edhe:
Të dy kanë treguar duart për të vënë në dukje unazat. Megjithatë, Selvija ka vendosur që nëpërmjet një fotoje të publikuar së fundmi, të tregojë më qartë, nga afër, unazën prej diamanti me të cilën këngëtari i propozoi.
Shpati ka treguar më parë nëpër intervista se Selvija dhe nëna e tij kanë një raport shumë të mirë me njëra-tjetrën e madje të dyja gatuajnë për të, duke e bërë të ndihet “si sulltan”.
