Pas lidhjes me Mark Frrokun, të gjithë ishin kurioz për marrëdhënien e Rudina Dembacaj me familjen e ish-politikanit.
Frroku është baba i tre fëmijëve nga martesa e parë, nëna e të cilëve fatkeqësisht u nda nga jeta tre vite më parë.
Rudina nuk e ka mbajtur të fshehtë marrëdhënien me fëmijët e Markut dhe është shprehur se nuk e ka aspak të lehtë, por do mundohet gjithmonë të jetë shoqja e tyre më e mirë.
Së fundmi moderatorja ka zhvilluar një bisedë me ndjekësit në Instagram dhe është acaruar me pyetjet e pafundme nëse fëmijët e Mark Frrokut jetojnë apo jo me të.
“O zot çfarë pyetje leshi. Po pse me kë do i lërë prindi fëmijët”, shkruan Dembacaj në një prej përgjigjeve të saj. Ajo tregon po ashtu se prindërit e ish-deputetit nuk jetojnë me ta, ndërsa thotë se fëmijët e tij janë një dashuri e madhe.
“Për zotin nuk ke si mos ti duash, janë dashni”, shkruan aktorja, që duket se i vë vulën të gjitha zërave që lidhen me familjen e saj.
