Rama njoftoi mbylljen, reagon TikTok dhe i kërkon “llogari” qeverisë shqiptare

Kryeministri Edi Rama gjatë një takimi me mësues dhe prindër njoftoi këtë të shtunë dhe mbylljen e rrjetit social “TikTok” në vendin tonë.

Kreu i qeverisë shqiptare tha se kjo platformë nuk do të jetë e aksesueshme për vendin tonë përgjatë një periudhe kohore prej një viti.

Kjo masë drastike e qeverisë Rama është marrë pas ngjarjes së ndodhur jashtë ambienteve të shkollës “Fan Noli” në Tiranë, ku 14-vjeçari Martin Cani, u vra me thikë në zemër nga bashkëmoshatari i tij, Mario Përlleshaj.

Lexo edhe:

U vra në krye të detyrës, efektivi 34-vjeçar, baba i një djali të mitur

Tragjedi në Shëngjin, ndërrojnë jetë dy të rinj pasi u morën nga dallgët, dy në gjendje të rëndë

Deputeti i PS reagon për protestën në Zvërnec: Situatë e papranueshme! Rojet private nuk mund të zëvendësojnë shtetin

Erion Braçe: Ajo që ndodhi në Zvërnec ishte e rëndë, Policia tentoi të fshehë krimin. Pse nuk po hetohen njerëzit me të zeza?

Ndërkohë, Abc News raporton se TikTok në një përgjigje me email të shtunën ka kërkuar qartësi urgjente nga qeveria shqiptare për rastin e Martin Canit.

Kompania ka thënë se: “nuk kishte gjetur asnjë provë që autori ose viktima të kishte llogari TikTok dhe raportet e shumta në fakt kanë konfirmuar se videot që çuan në këtë incident po postoheshin në një platformë tjetër, jo në TikTok”.