Një ngjarje e rëndë ka ndodhur mbrëmjen e djeshme në Kodër Kamëz. Të tjera detaje të reja kanë ndodhur disa minuta pas vrasjes së Can Kariçit. Një makinë tip “Audi” është gjetur duke u djegur në Institut. Makina e djegur dyshohet se i përket, autorit/eve të këtij krimi.
Policia njofton se viktima, Can Kariçi , është banues në lagjen Nr.1 Bathore. Krimi raportohet se ka ndodhur rreth orës 19:56, në rrugën “Nikoll Vatnikaj”.
Për policinë ende nuk dihen rrethanat e kësaj ngjarje. Ndërkohë është rrethuar zona dhe janë ngritur disa postblloqe për të bërë të mundur kapjen e autorit/ëve.
Lexo edhe:
Sipas të dhënave paraprake dyshohet se për të kryer vrasjen është përdorur armë me silenciator pasi deri më tani nuk është raportuar për të shtëna.
30-vjeçari Can Kariçi i cili mbeti i vrarë në një atentat me silenciator në Kodër Kamëz mbrëmjen e sotme, ishte person me precedent penal.
Ai është arrestuar disa muaj më parë gjatë një operacioni të RENEA-s për kapjen e personave në kërkim dhe atyre që mbajnë armë zjarri dhe lëndë narkotike.
Pikërisht për armëmbajtje pa leje dhe vjedhje të targave të cilat përdoreshin në ngjarje kriminale, u prangos Can Kariçi.
Gjithashtu, Kariçi ka qenë i arrestuar edhe për krime ndaj personit.
Atenati ndaj Kariçit dyshohet se ka lidhje me vrasjen e dy të rinjve në 13 nëntor në zonën e Astirit.
Te vendi i quajtur “Dy rrathët”, në Unazën e Re, u ekzekutuan me breshëri kallashnikovi Erigers Mihasi dhe Armando Dumani.
