Në një kohë kur stafi i shumicës prej emisioneve pas relaksit që patën në plazh janë rikthyer me energji të reja për të filluar sezonin e ri televiziv, një gjë e tillë nuk ka ndodhur me moderatoren e njohur, Luana Vjollcën.
Shumica e emisioneve që pritet të rifillojnë në shtator në Top Channel, tashmë kanë realizuar promon dhe stafet e tyre po përgatiten për nisje në shtator, por Vip-magazine.al mëson se stafi i ngushtë më të cilën punon Luana Vjollca nuk është parë në ambientet e këtij televizioni.
Gazeta Express publikoi ditën e sotme lajmin se tashmë mes moderatores së njohur Luana Vjollca dhe Top Channel, pas 15 vitesh, marrëdhëniet nuk janë si më parë, madje gjërat kanë shkuar deri në divorc.
Lexo edhe:
Mungesa e Luana Vjollcës në ambientet e Top Channel kohët e fundit, edhe pse ende asgjë të konfirmuar zyrtarisht, ka shtuar zërat se moderatorja e njohur i ka dhënë fund marrëdhënies më këtë televizion.
Duhet thënë se kohët e fundit, Luana Vjollca ishte në garë për të marrë drejtimin e Big Brother Vip, dhe burime për Vip-magazine.al kanë konfirmuar se moderatorja e ka dëshiruar shumë këtë projekt.
Por drejtuesit e Top Channel vendosën që Big Brother Vip tja besojnë Arbana Osmanit, e cila pak ditë më parë bëri me dije këtë lajm.
Nuk dihet nëse ka qenë ky vendim që ka krisur raportin mes Top Channel dhe Luana Vjollcën, deri në largimin e saj nga televizioni që punoi për 15 vite duke drejtuar emisione dhe programe të shumta.
Megjithatë, shtatori do të sqarojë gjithçka.
/VIP-MAGAZINE.AL/
