Me siguri këtë “hall” të Olta Gixharit e keni kaluar edhe ju më parë, nëse prindërit tuaj ju kanë kërkuar t’i hapni një llogari në Instagram.
Kanë prindërit tuaj profile në rrjetet sociale? Nëse po ju thonë çfarë ju pëlqen apo nuk ju pëlqen kur postoni diçka? Zakonisht personazhet e njohur të ekranit, duke bërë shaka, këshillojnë që mos t’u hapni rrjete sociale prindërve, pasi të kontrollojnë në çdo moment.
Por duket se Olta Gixharit, babai i saj i ka kërkuar pikërisht që t’i hapë një llogari në “Instagram”. Tashmë edhe Skënder Gixhari i është bashkuar rrjeteve sociale, e këtë e ka treguar vetë aktorja e njohur.
Madje duket se atij po i pëlqen aq shumë “Instagram”-i, sa ka nisur të postojë shpesh dhe shprehet se ka qenë “mbrapa bote” pa të.
“Ju lutem bëjini follow babait tim. Nuk kemi temë tjetër veç Instagram-it këto ditë. Unë paskam qenë mbrapa bote mi t’keqen babi.”- ka shkruar Olta në InstaStory, duke bërë të gjithë fansat e saj për të qeshur.
