Një aksident i rëndë është regjsitruar pak orë më parë në zonën e Don Boskos. Një 55-vjeçare, e cila drejtonte automjetin tip Opel, ka përplasur rëndë një fëmijë 6-vjeçar, teksa ai ndodhej në trotuar me nënën e tij.
JOQ ALBANIA ka siguruar pamjet ekskluzive të aksidentit, ku shihet se 55-vjeçarja ka humbur kontrollin e mjetit dhe ka përplasur rëndë 6-vjeçarin.
I mituri ka përfunduar ngjitur me shtyllën teksa kalimtarët e rastit kanë shtyrë me forcë makinën për të shpëtuar të miturin. Deri më tani mësohet se 6-vjeçari ndodhet në spital nën kujdesin e mjekëve. Nuk dihet gjendja e tij aktuale.
Siç shihet edhe në video, makina përplas nënën dhe djalin e saj që qëndronin në trotuar, dhe më pas nuk ecën dot më mbrapsht, në mënyrë që të lironte të aksidentuarit që përfunduan të ngjitur me shtyllën aty pranë.
Në ndihmë u shkojnë të pranishmit në biznesin pranë vendit ku ndodhi aksidenti, të cilët mundohen të shtyjnë makinën me duar, në mënyrë që ta zbresin nga trotuari.
