Dy puntatat e fundit të emisionit të dashurisë, kanë qenë thjesht analiza. Opinionisti i “Për’puthen”, Arjan Konomi, ka vendosur që ta tregojë edhe njëherë tjetër mosbesimin e tij ndaj çiftit Alvisa dhe Bashkimi.
Si pasojë, ai nuk i ka ndalur analizat, sidomos ndaj sjelljes së konkurrentes. Arjani tha se po të kishte vazhduar Hyseni në program Alvisa do të dilte çift me të, gjithashtu ai tregoi detaje nga marrëdhënia e tyre, të pathëna më parë.
Lidhur me deklaratat e opinionistit, Alvisa ka reaguar përmes një postimi në “Instastory”. Ajo ka publikuar një imazh të zi me emoji që tregojnë se po i vjen për të vjellë. Të gjithë kanë aluduar se kjo është drejtuar Arjanit dhe fjalëve të tij.
Alvisa dhe Arjani gjithashtu i kanë hequr opsionin ‘following’ njëri-tjetrit në “Instagram” dhe ata nuk ndiqen më as në rrjetet sociale.
Përplasjet e Arjanit mes konkurrentëve janë të shpeshta, ato kanë ndodhur këtë vit, por edhe vjet.
