Mos e humbisni transmetimin live nga tapeti i kuq i “Në kuadër të dashurisë”, ja ku ta ndiqni

Të gjithë fansat do të kenë mundësi të shohin nga afër yjet teksa parakalojnë në tapetin e kuq dhe të bëjnë foto me ta

Ashtu siç tanimë është mësuar nga të gjithë, sot është premiera e madhe e “Në kuadër të dashurisë”. Ky film aq i shumëpritur nga publiku dhe aq i komentuar përgjatë muajve të fundit, do të shfaqet sot për herë të parë në Pallatin e Kongreseve.

“Në kuadër të dashurisë” përmban një kast të mahnitshëm aktorësh dhe personazhesh shumë të dashur për audiencën e gjerë. Së bashku me dy protagonistët kryesorë Luiz Ejlli dhe Olta Gixhari, do të jetë dhe një kast shumë interesant, me aktorë profesionistë, por edhe me personazhe të tjerë të njohur dhe shumë të dashur për publikun. Këtu përmendim Ndriçim Xhepa, Sara Hoxha, Ylber Bardhi, Luan Jaha, Olta Daku, Roerd Toçe, Besmir Bitraku, Zamira Kita, Sotiraq Bratko, Aleksandër Grami, Eni Shehu, Dea Mishel Hoxha, Salsano Rrapi, Myzafer Zifla, Klodiana Keco, Koço Qendro.

Lexo edhe:

“Alla ja Selina”, fituesja e “BBVA” hedh në gjyq Rogertin pas videos virale?

Alban Skënderaj: Kur club-et bëhen njësi matëse për artistët, diçka nuk shkon

Pse nuk i erdhi babai në finale? Aludimet se është në burg, Selin ‘zbulon’ foton

Romeo dhe Donaldi rikthehen me një projekt të ri, ja ku do i shohim çdo të shtunë

Rreth 2100 persona do të mbushin sallën e Pallatit të Kongreseve dhe pritet një organizim spektakolar. Të gjithë ata që kanë blerë biletat për filmin do të mund ta shohin në sallë në një ekran gjigand me përmasa 20 me 10 metra, i cilai do të mundësojë transmetimin e tij.

Gjithashtu vlen të përmendet që të gjithë fansat do të kenë mundësi të shohin nga afër yjet teksa parakalojnë në tapetin e kuq dhe të bëjnë foto me ta. I gjithë ky organizim do të transmetohet live në kanalin zyrtar të Top Channel në YouTube, në Top News, si dhe do të mund ta dëgjoni në Top Albania Radio. Mos e humbisni, nga ora 19:00!