“Për’puthen” ka korrur një sukses të jashtëzakonshëm, teksa formati vjen gjithmonë e në zgjerim. Pas ndryshimit të këtij sezoni ku programi u bë i përditshëm, u shtua edhe “Prime” i së dielës mbrëma, tashmë “Për’puthen” duket se do sjellë një tjetër risi.
Sipas News31, së shpejti do të dalë promo e “Për’puthen 3”, në të cilën në kërkim të dashurisë do të jenë persona mbi 40 vjeç. Thuhet se aplikimet kanë filluar, por gjithçka do të bëhet publike në një moment të dytë, pasi aktualisht vëmendja totale e publikut duhet të jetë në konkurrentët e “Për’puthen 2” të cilët nuk e kanë përfunduar ende rrugëtimin e tyre.
