Mbrëmjen e djeshme, ashtu si shumë prej nesh, Lori Hoxha e kaloi duke parë “Ëndërrtjerrësit”, programin më të ri në “Top Channel”, që më shumë se gjithçka tjetër në thelb ka kujtime e nostalgji.
Teksa bisedonte virtualisht me ndjekësit, një prej tyre i ka shkruar për kohët e arta të “Top Channel” dhe programet e dikurshme që preferonte t’i shihte më shumë se këto tani.
Mirëpo, Lori i ka kthyer një përgjigje, që në fakt është më shumë një mësim për të gjithë ne, lidhur me mënyrën relative si i vlerësojmë gjërat.
“Kohë të arta ka gjimnazi, kohë të arta ka universiteti, kohë të arta ka dhe pensioni. Kam kuptuar që qënia njerëzore e dashuron të shkuarën dhe shpesh e idealizon. Nostalgjia është problem sepse të bën të besosh që çdo gjë që ka qenë, është më e mirë se ç’është e çdo të jetë. Ato ishin kohët e arta për kohën, këto janë kohë të tjera. Nuk i përjetojmë dot të dyja në kohë reale që të kuptojmë cila na pëlqen më shumë. Kohët ndryshojnë e me të dhe njerëzit e mënyra se si jetojmë. Nuk mund të pëlqejmë e shikojmë të njëjtat gjëra. Ajo ishte atëherë, tani është tani”, ka shkruar ajo.
