Ndërkohë që shifrat e të infektuarve me Covid-19 rriten dita-ditës, listës së personave të infektuar i shtohen dhe personazhe jo pak të njohur për publikun.
Së fundmi, është bërë e ditur se moderatoja Ori Nebiaj është infektuar me koronavirus.
Lajmin e bëri publik, kolegu i saj Isli Islami, në një intervistë me kreun e Urgjencës Kombëtare, Skënder Brataj.
Fatmirësisht, duket se gjendja aktuale e moderatores është e stabilizuar dhe ajo është mirë me shëndet.
“Nuk e di nëse te 127 keni hasur javën e kaluar një telefonatë, e cila vinte nga një vajzë e re nga Tirana, me banim te rruga ’Islam Alla’, identifikuar me emrin Oriela Nebiaj që tregonte për simptomat që kishte.
Nuk e di nëse është regjistruar, sepse edhe Orin e kemi me Covid, Përfitojmë nga rasti për t’i uruar të shkuara dhe i themi se e presim shumë shpejt. Mbi të gjitha duke i qetësuar të gjithë dhe duke u thënë se është mirë me shëndet”, u shpreh ai.
