Lirohet nga burgu ish-ministri i Shëndetësisë Ilir Beqaj

Ish-ministri i Shëndetësisë, Ilir Beqaj, është liruar nga burgu, pasi gjykata ka caktuar ndaj tij masën e sigurisë “arrest në shtëpi”.

Vendimi është marrë pas shqyrtimit të kërkesës së Beqajt për zëvendësimin e masës “arrest në burg”, me argumentin se janë tejkaluar afatet e paraburgimit.

Kujtojmë se Ilir Beqaj mbahej në burg që prej muajit korrik 2024 si i dyshuar për disa vepra penale lidhur me dosjen SASPAC.

Lexo edhe:

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

Ish-deputeti socialist bëhet babai i një djali, pas dy vajzave

Influencer me diplomë, tashmë ky profesion është edhe degë studimi në Universitet

“Nuk pëlqejnë t’i lënë gjërat në dorë të fatit” – Këto dy shenja të zodiakut mendojnë gjithmonë disa hapa përpara

SPAK pretendon se ish-ministri dhe të pandehurit e tjerë kanë zhvilluar të paktën tetë procedura tenderimi në kundërshtim me ligjin, megjithatë gjykata vlerësoi se provat e sjella në gjyq nga organi i akuzës nuk janë te mjaftueshme, për këtë arsye i la kohë prokurores se çështjes edhe 3 muaj.

Sipas SPAK, Beqaj, në kohën kur drejtonte SASPAC-un, dyshohet se ka favorizuar kryerjen e prokurimeve fiktive për projektet e EUSAIR gjatë viteve 2022-2023. Prokuroria pretendon se tenderët realizoheshin vetëm në dokumente dhe fondet përfitoheshin në mënyrë të paligjshme përmes kompanive të lidhura me skemën.

Ditën e djeshme, GJKKO liroi edhe bashkëpunëtorin e tij Ermal Kurtulaj.