Ish-presidenti Donald Trump dhe Melania Trump i dhanë lamtumirën e tyre të fundit Shtëpisë së Bardhë mëngjesin e së mërkurës (20 janar).
Ish-Zonja e Parë u shfaq e veshur e gjitha me të zeza dhe veshja e saj kushtonte në total 50.000 dollarë.
Melania Trump eci në krah të bashkëshortit të saj me një xhaketë të Chanel e zbukuruar me butona ari dhe një fustan Dolce & Gabbana. Ajo kompletoi veshjen me taka të markës Christian Louboutin dhe një çantë Hermes Birkin.
“Të qenurit Zonja juaj e Parë ishte nderi më i madh, ju falënderoj për dashurinë dhe mbështetjen tuaj. Zoti ju bekoftë të gjithëve, Zoti i bekoftë familjet tuaja dhe Zoti e bekoftë këtë komb të bukur,”- tha zonja Trump në fjalën e saj përpara se të udhëtonte me ish-Presidentit drejt pronës së tyre në Florida.
As Melania dhe as Presidenti Trump nuk mbanin maska mbrojtëse mes pandemisë së COVID-19.
Çifti gjithashtu nuk morën pjesë në ceremoninë e sotme të inaugurimit të Presidentit të zgjedhur Joe Biden.
