Angus Cloud, i cili ka luajtur në serialin shumë të njohur “Euphoria”, ka vdekur në moshën 25-vjeçare. Cloud, i cili luante rolin e tregtarit të drogës Fezco “Fez” O’Neill, vdiq të hënën në shtëpinë e familjes së tij në Oakland, Kaliforni.
“Me zemrën e lënduar na u desh t’i themi lamtumirë një njeriu të jashtëzakonshëm sot”, tha familja e Cloud në një deklaratë.
Lexo edhe:
Cloud humbi babanë e tij disa javë më parë, sipas familjes, dhe kishte “luftuar me shëndetin mendor”.
“E vetmja ngushëllim që kemi është të dimë se Angus tani është afër babait të tij, i cili ishte shoku i tij më i mirë”, thuhet në deklaratë.
“Shpresojmë që vdekja e tij të shërbejë si një kujtesë për të tjerët se ata nuk janë vetëm dhe se nuk duhet ta luftojnë këtë në heshtje.”
Ende nuk dihet shkaku i vdekjes së tij. Dy javë më parë, aktori i ri kishte postuar në Instagram një foto të babait të tij.
Një burim i afërt me familjen e Cloud tha se aktori “po luftonte me mendime serioze vetëvrasëse ” pas vdekjes së babait të tij.
Cloud po qëndronte me familjen e tij, “ndërsa ai u përpoq të kapërcejë pikëllimin e tij”.
