Në mediat e huaja po qarkullon lajmi se vajza e ish-presidentit të Shteteve të Bashkuara të Amerikës, Donald Trump, do të martohet në nëntor të këtij viti. Tiffany Trump thuhet se do të bëjë ceremoninë në Mar-a-Lago, Florida me të fejuarin e saj, Michael Boulos.
Sipas “Page Six”, dasma në fjalë do të mbahet më 12 nëntor në pronën luksoze të Trump. Gjithashtu thuhet se do të jenë më shumë se 500 të ftuar që do të marrin pjesë në festën e madhe të mbikëqyrur nga Donald dhe ish-gruaja e tij, Marla Maples.
Lexo edhe:
“Ka pasur shumë planifikime. Ky është momenti i madh për Tiffany dhe do të jetë luksoz, ka thënë një burim për “Page Six”.
Ndërkohë kujtojmë se miliarderi Boulos i propozoi Tiffany-t në Kopshtin e Trëndafilave të Shtëpisë së Bardhë me një diamant mahnitës 13 karatësh të blerë në Dubai.
Sipas mediave të huaja, unaza ka vlerën prej 1.2 milionë dollarë. 28-vjeçarja njoftoi fejesën e saj me Boulos në vitin 2021. Ai ishte student për menaxhim projektesh në City University të Londrës kur takoi Tiffany ndërsa ajo ishte me pushime në Mykonos, Greqi, me Lindsay Lohan në 2018.
