Në 2017-ën, bëri namin kënga e yllit të famshëm britanik, Jonas Blue në bashkëpunim me William Singe “Mama”, që u xhirua në jug të vendit tonë. Artisti zgjodhi bregdetin e bukur shqiptar për klipin e këtij projekti, pjesë e të cilit u bë dhe modelja Oriola Marashi.
Si gjithmonë, modeja dukej mjaft tërheqëse. Dhe ndërsa kanë kaluar vite, si Jonas dhe Oriola duket se e kujtojnë me mall këtë eksperiencë. Jonas ka publikuar një fotografi shkëputur nga xhirimet e këngës, ku shfaqet bashkë me Marashin.
“Kthim pas në kohërat e bukura nga xhirimi i klipit për ‘Mama’ në bregdetin e Adriatikut në Shqipëri”, ka shkruar ai krahas fotos të cilën e ka rishpërndarë dhe bukuroshja shqiptare në profilin e saj, ku thotë: “Kujtimi më i bukur i jetës sime”.
