Kryebashkiau i Vlorës, Ermal Dredha ka dhënë dorëheqjen. Arsyet e largimit të tij nga posti ende mbeten të paqarta.
Ermal Dredha ka mbajtur postin e drejtuesit të Vlorës që prej korrikut 2023.
Kujtojmë që Vlora së fundmi ka qenë “target” i kryeministrit Edi Rama lidhur me ndërtimet masive pa leje në qytet dhe bllokimin e hapësirave publike. Qeveria gjatë verës në bazë të një aksioni kombëtar të ushtruar nga veriu në jug me qëllim reformimin e institucioneve vendore, solli shkarkimin nga detyra të të gjithë drejtorëve të kësaj bashkie dhe jo vetëm.
Ndërkohë një përplasje është regjistruar pak kohë më parë mes Dredhës dhe kryeministrit Rama gjatë festës së 34-vjetorit të Partisë Socialiste. Shkak për këtë përplasje u bë keqmenaxhimi i situaës së zjarreve në qytetin bregdetar si dhe për fushën e mbetjeve urbane në Vlorë që shkaktoi një ndotje të madhe dhe shqetësim tek banorët.
Ende nuk ka një reagim zyrtar nga Ermal Dredha për arsyet e dorëheqjes, por mesa duket një presion i vazhdueshëm i kryeministrit Edi Rama për drejtuesin e Bashkisë Vlorë, duket se ka bërë që ky i fundit të largohet nga detyra të cilën e mban prej dy vitesh.
Dorëheqja e Dredhës pritet të bëhet zyrtare ditën e nesërme.
