Moderatorja dhe aktorja shqiptare Rudina Dembacaj është mjaft aktive në rrjete sociale dhe ndan shpesh me fansat momente nga jeta e saj e përditshme por jo vetëm. Këtë periudhë Dembacaj ka qenë në fokus të mediave rozë pasi bëri publike romancën e shumë përfolur me ish deputetin e Partisë Demokratike, Mark Froku.
Çifti nuk ngurojnë të ndajnë pamje krah njëri tjetrit, ndërkohë që pas propozimit romantik për martesë në Turqi nuk dihet nëse Rudina dhe Marku kanë nënshkruar ligjërisht për martesën e tyre.
Megjithatë aktorja dhe moderatorja nuk e harron asnjëherë unazën, të cilën e ka vendosur në dorën e majtë, në gishtin e martesës. Së fundmi Rudina ka vendosur të shijojë një darkë intime me personin e zemrës dhe ka ndarë një foto të duarve të tyre në ‘Instastory’.
Të kapur bashkë si gjithmonë, Rudina dhe Marku ‘dëshmuan’ dhe njëherë se janë një nga çiftet më romantike në showbizzin shqiptar.
