Prej disa ditësh duket se i gjithë rrjeti është kthyer kundër Donaldit dhe Beatrix, pasi brenda shtëpisë së “Big Brother VIP” krijuan një lidhje dashurie. Publiku i ka kritikuar që të dy për faktin se aktori i humorit ende nuk kishte mbyllur një histori dashurie jashtë si dhe këngëtarja ka qenë “fanse” e dashurisë së tyre.
Mbrëmë gjatë spektaklit të BB VIP, ata të dy u përballen edhe me opinionet e dy opinionistëve, Sonila Meço dhe Arbër Hajdari. Gjithashtu Donaldi kuptoi nëse Bora i kishte dhënë sinjalet e veta për ata të dy.
E duke qenë se i gjithë rrjeti është kthyer kundër Donaldit dhe Beatrix, disa personazhe të njohur kanë reaguar në mbështetje të këngëtares. Disa prej miqve të saj i kanë dedikuar postime në “Instastory” me fjalët më të bukura.
“Të dua Beatrix Ramosaj. Nuk dua kurrë të të shoh të mërzitur sepse unë e njoh zemrën dhe shpirtin tënd dhe nuk ka asnjë fije dashakeqësie e ligësie në qenien tënde”, shkruan modelja Elena Lika.
“Mos keni kaq ligësi në shpirt. Diellit nuk mund t’i thoni natë”, shkruan Fjolla Morina teksa poston një foto të Beatrix me nënën e saj, Antigone Ramosaj.
Nga ana tjetër, Anxhelina, Andi Vrapi, Endrit Mertiri dhe Henri Gjata kanë postuar foto të këngëtares, duke i treguar në këtë mënyrë se janë në anën e saj dhe e mbështesin.
