Me rritjen e temperaturave, shumica e njerëzve e përdorin kondicionerin çdo ditë. Por sipas një ekspertjeje të pajisjeve shtëpiake, shumë prej nesh e përdorin gabim, dhe kjo sjell fatura më të larta pa arsye.
Në një video në TikTok, ajo tregon 3 gabimet më të zakonshme që rrisin harxhimet:
1. Dritaret e hapura kur kondicioneri është ndezur
Nëse mbani një dritare hapur, ajri i freskët del jashtë dhe sistemi punon më shumë. Kështu, shpenzoni më shumë energji për më pak efekt.
2. Zgjedhja e një kondicioneri më të vogël se ç’duhet
Shumë njerëz vendosin një kondicioner më të dobët për të kursyer në blerje, por ai nuk ka fuqi të mjaftueshme për të ftohur dhomën. Kjo bën që të punojë vazhdimisht dhe të konsumojë më shumë energji.
3. Fikja dhe ndezja e shpeshtë e pajisjes
Disa mendojnë se duke e fikur kur dalin nga dhoma kursejnë, por ndezja e shpeshtë harxhon më shumë energji sesa ta lësh të punojë në një temperaturë të qëndrueshme.
Këshilla për përdorim efikas:
- Mbajeni temperaturën mes 22°C dhe 25°C.
- Pastroni filtrat rregullisht – filtrat e bllokuar ulin efikasitetin me 15%.
- Vendosni njësinë e jashtme në hije dhe me ajrim të mirë.
Në këtë mënyrë, jo vetëm që kurseni në faturë, por edhe ruani jetëgjatësinë e kondicionerit tuaj.
