“Portokalli” nis një sezon të ri me ndryshime të rëndësishme në skenë. VIP Magazine mëson ekskluzivisht se këtë sezon programi do të prezantohet nga Agron Llakaj dhe Kiara Tito.
Për Agron Llakajn bëhet fjalë për një rikthim në Top Channel, pas shumë vitesh. Aktori dhe prezantuesi rikthehet në një nga programet më të njohura të humorit, duke zënë vendin e Salsanos.
Në skenë, Agroni do të shoqërohet nga Kiara Tito, e cila rikthehet kështu në rolin e moderatores.
Ndërkohë, Nevina Shtylla nuk do të jetë më pjesë e “Portokalli”-s në rolin e moderatores. Sipas informacioneve të VIP Magazine, ajo do të vijojë angazhimet e saj në projekte të tjera në Top Channel.
Një dyshe e re dhe një rikthim i shumëpritur, që pritet t’i japin një tjetër ritëm sezonit të ri të “Portokalli”-s.
