Riinfektimi nga COVID-19 ka qenë fatal për një emigrant shqiptar që jetonte në Londër.
48 -vjeçari Kujtim Kadiu nga Burreli ka humbur jetë pasi u infektua nga varianti britanik i virusit. Ai vetëm 8 ditë më parë kishte humbur të atin për shkak të virusit.
Kadiu mësohet se u varros në Londër të mërkurën ku edhe banonte.
Ai kishte rënë në kontakt për herë të parë me virusin 3 muaj më parë, ku edhe ja kishte dalë me sukses.
Por së fundi ai u riinfektua me mutacionin e ri britanik të Covid dhe e humbi jetën vetëm tre ditë pas riinfektimit.
I ati i vdiq 8 ditë më parë nga virusi në qytetin e Burrelit dhe nuk mundi të vinte në varrim për shkak të karantinës së rreptë angleze.
