Një ngjarje e rëndë ka ndodhur në Kosovë, ku një foshnje e porsalindur ka ndërruar jetë në spital.
Rasti është regjistruar në Prizren, ku foshnja ka ndërruar jetë vetëm pak momente pasi ka ardhur në jetë. Prindërit kanë akuzuar stafin e spitalit për moskujdesje, teksa deklarojnë se neglizhenca e tyre është bërë shkak që i porsalinduri të humbte jetën.
Policia ka nisur hetimet, për të zbardhur të plotë këtë ngjarje.
Kujtojmë se dhe më herët ka pasur raste të ngjashme në Kosovë ku foshnjat kanë ndërruar jetë në spital, teksa më i rëndë është rasti i ndodhur dhjetorin e vitit të kaluar në Pejë, ku një trupi i pajetë i një foshnje u fut në lavatriçe.
