Qerim Ismailaj është kryebashkiaku aktual i Mallakastrës dhe kandidati i mbështetur nga PS në zgjedhjet e 14 majit.
Gazetarja e Euronews Albania, Eksiola Shehu sqaroi në “Noë me Erla Mëhillin” se Ismailaj nuk është ende i rikonfirmuar.
“Ka një pikëpyetje për shkak të çështjes së tij në SPAK aktualisht. Partia Demokratike ka kallëzuar atë në vitin 2021 sepse nuk ka deklaruar në formularin e dekriminalizimit një dënim në shtetin grek sa i takon falsifikimit të vulave dhe stampave”, u shpreh Shehu.
Gazetarja tha se ka kohë deri në 26 mars që Rama të rikonfirmojë kandidaturën e Qerim Ismailajt.
