Prej vitesh tashmë për shkak të studimeve të njëpasnjëshme që kanë konfirmuar rolin e saj jetik në organizëm po vihet theksi gjithnjë e më shumë për marrjen e vitaminës B12.
Vitamina B12 është një lëndë ushqyese e tillë që mund të shkaktojë probleme reale nëse keni mungesë. Ajo gjendet kryesisht në produktet shtazore si mishi, djathi dhe vezët. Është e nevojshme për të mbajtur gjak të shëndetshëm dhe qeliza nervore në trupin tuaj. Pa të, qelizat e gjakut nuk mund të bartin oksigjenin siç duhet, gjë që mund të çojë në anemi.
Simptomat e zakonshme të mungesës së vitaminës B12 përfshijnë lodhjen, ndjesi shpimi gjilpërash dhe humbje peshe. Por dy shenja që shfaqen në gojën tuaj mund të sugjerojnë gjithashtu se ju mungojnë lëndët ushqyese.
NHS thotë se një gjuhë e lënduar dhe e kuqe, e quajtur mjekësisht glossitis, mund të jetë një shenjë e mungesës së vitaminës B12.
Kur një person ka glossitis, gjuha ndryshon ngjyrën dhe formën, duke e bërë atë të dhimbshme, të kuqe dhe të fryrë.
Inflamacioni gjithashtu e bën gjuhën të duket e lëmuar, pasi gungat e vogla në gjuhë që përmbajnë sythat e shijes shtrihen dhe zhduken. Ulçera në gojë janë gjithashtu një simptomë e mundshme. Shenja të tjera që duhen kërkuar përfshijnë frymëmarrje të shpejtë, dhimbje koke, dispepsi, humbje oreksi. probleme me shikimin, lodhje, diarre dhe probleme me kujtesën.
Në disa raste, mungesa e vitaminës B12 mund të shkaktojë gjithashtu simptoma që ndikojnë në trurin dhe sistemin tuaj nervor si mpirje, dobësi muskulore, probleme psikologjike dhe probleme me ekuilibrin dhe koordinimin. Mungesa ka qenë gjithashtu e lidhur me infertilitetin, kancerin e stomakut dhe defektet e lindjes.
Hulumtimet e paradokohshme të cilat janë bërë në Itali kanë treguar që mungesa e vitaminës D, të cilën më së shumti e marrim nëpërmjet dritës së diellit, çon në rrezik të shtuar të disfunksionit erektil. Në test kanë marrë pjesë 143 meshkuj me formë dhe nivel të ndryshëm të disfunksionit erektil dhe pothuajse te gjysma e tyre është konstatuar që kanë mungesë të vitaminës D. Vetëm pesë prej tyre kanë pasur nivel optimal të kësaj vitamine.
