Vetëm 48 orë para nisjes festivali më i madh i muzikës shqiptare është anuluar.
Bëhet fjalë për ‘’Alba Festival’’, i cili ishte paraparë të fillonte me 4 shtator me pjesëmarrjen e konfirmuar të emrave më të mëdhenj të muzikës shqiptare.
Autoritetët kanë marrë vendim që ky festival të mos mbahet për shkak të përhapjes së virusit Covid-19 dhe rritjes së numrit të të infektuarve në Zvicër.
Lexo edhe:
Lajmi u bë i ditur nga faqja zyrtare e “Alba Festival”, në Instagram, ku përmes një postimi sqaruan për publikun arsyen që çuan deri në këtë vendim.
Ky festival në vitin 2019 mblodhi emrat më të njohur të estradës nga Kosova e Shqipëria, gjithashtu edhe numri i pjesëmarrësve ishte shumë i madh.
“Jemi më se të befasuar dhe na erdhi shumë papritur kur morëm me shkresë një vendim nga Qeveria e Kanton Zurich-ut për tërheqjen e lejes të AlbaFestival”, thuhet ndër të tjera në njoftim.
Për herë të parë ky festival u mbajt më 29 dhe 30 qershor në vitin 2019 në Cyrih, ku pjesëmarrës ishin mbi 20.000 vizitorë.
Kujtojmë se, vitin e kaluar u anulua për shkak virusit Covid-19, e që mendohej të kompensohej këtë vit.
