Ismail Sula, Lulzim Sula dhe Dashamir Dema janë tre paagjerët që humbën jetën në orët e para të mëngjesit të sotëm në Tiranë, si pasojë e një aksidenti të ndodhur 30 minuta para mesantës.
Mjeti me të cilin ata udhëtonin drejtohej nga 27 vjeçari Zija Murati, i cili aktualisht ndodhet në spital, nën kujdesin e mjekëve. Fatkeqësisht, nga përplasja e fortë e mjetit tre pasagjerët e Zija Muratit nuk kanë mundur të jetojnë.
“Në kodër-kashar, rreth orës 23:30, shtetasi Z. M., 27 vjeç, ka humbur kontrollin e mjetit duke dalë nga rruga. Si pasojë kanë ndërruar jetë 3 pasagjerë në këtë mjet shtetasit me iniciale L. S., I. S dhe D. D., ndërsa drejtuesi i mjetit ndodhet në spital, nën kujdesin e mjekëve”, njofton policia.
Grupi i hetimit dhe shërbimet e Policisë ndodhen në vendngjarje dhe po punojnë për sqarimin e rrethanave të saj.
