Ish-Presidenti Bujar Nishani ka reaguar pas deklaratës që bëri dje kryedemokrati Lulzim Basha për Sali Berishën. Basha tha se ai arriti ta fitoni bashkinë e Tiranës në 2011 pasi ‘përjashtoi’ nga fushata Sali Berishën.
Mirëpo Bujar Nishani e përgënjeshtron këtë deklaratë të Bashës. Përmes një postimi në rrjetet sociale kujton sesi Basha i kërkonte Berishës që ta udhëzonte edhe në gjërat më elementare.
Postimi i plotë:
Të nderuar miq, një gënjeshtar kongjenital jo vetëm që nuk mund të na udhëheq në ndonjë fitore por na shkaktoi në tetë vite, kaosin, hallakatjen dhe dekurajimin më të madh politik që kemi patur ndonjëherë brenda Partisë Demokratike.
Gënjeshtari kongjenital po thotë se ka fituar në 2011, Bashkinë e Tiranës, pa Berishën !
Si drejtues i shtabit elektoral për Tiranën, atë botë, më bezdiste deri në nervozizëm tek shikoja se si gjatë gjithë ditës, L. Basha i kërkonte S. Berishës ta udhëzonte, ti tregonte e ti mësonte edhe detajet më elementare për axhendën ditore dhe tezat e fushatës.
Ky nuk është thjesht qesharak, jo vetëm gënjeshtar kongjenital por një parazit politik me një kosto të madhe për të gjithë ne.
11 Dhjetori 2021, po vjen me shpejtësi.
Uragani i njerëzve të ndershëm, trimave e patriotëve do të shpëtojë Partinë Demokratike.
Të ringremë PD për të shpëtuar Shqipërinë !
