Në muajin maj të këtij viti, këngëtarja Semi Jaupaj u shpreh në “Kënga Magjike” se ajo nuk ishte më bashkë me Bojken Lakon. Lajmi për ndarjen e tyre i habit të gjithë, nisur edhe nga shumë vite që ishin bashkë. Megjithatë, raporti mes tyre është rikthyer përsëri në median rozë pas hyrjes së Semit në Big Brother Vip.
Në bashkëbisedim më banorët ajo ka treguar shumë detaje për marrëdhënien që ka pasur me Bojken Lakon, madje zbuloi se pyetja që i bëhet më shpesh nga njerëzit është nëse ka ndonjë shans që të rikthehet me Bojkenin.
“Kur më pyesin ‘a ka ndonjë shans që të pajtohesh prapë me Bojkenin?’. I thoja ‘jo’, se nga vetë koha që kam kaluar, janë shumë vite. Nuk është se ndenja një vit dhe pastaj të thoja ‘Prit se nuk i dihet’… Unë kam ndenjur 8 vite me atë.
Gjëja që më ka pëlqyer më shumë te Bojkeni është që ka dashur të më lërë shumë të lirë dhe ngaqë e ka ditur se kam dashur që të merrem me muzikën dhe të kisha gjëra të tjera primare…Ngaqë e ka ditur këtë gjë, s’ma ka bërë kurrë këtë kërkesë (që të bënin fëmijë).”, -tha Semi.
Për rrëfimet e Semit, Bojkeni ka reaguar për herë të parë. Gjatë një interviste për “Pardon my French”,muzikanti tha se nuk e ndjek spektaklin dhe nuk ka në plan ta bëjë një gjë të tillë sidomos tani që Semi është bërë pjesë e tij.
“Për këtë temë, nuk dua të flas shumë, nuk e ndjek ‘Big Brother’ dhe nuk do e ndjek, aq më tepër në këtë rast. E kam përkrahur hyrjen e saj si pjesë e mundësisë që të jep një shoë i tillë. Për mua është një shoë me qëllime të diskutueshme. Gjithçka që ajo ka thënë aty është okej. Semi thotë atë që do. Ajo e kupton mbështetjen time dhe njerëzit, kush sheh mirë, e kuptojnë”,- u shpreh Lako.
Semi harron që ka kamera në shtëpi, ngre këmbët dhe tregon më shumë seç duhet!(FOTO)
Megjithatë, duket se Bojkeni nuk e ka harruar kohën që ka kaluar me Semin, pasi në një vëzhgim që bëri Vip-magazine.al në profilin e tij në Instagram, ai nuk i ka fshirë fotot me të. Madje, disa prej fotove në Instagramin e Bojkenit janë romantike, duke shkëmbyer puthje në buzë me Semin.
Thënë kjo, Bojkeni me shumë mundësi nuk ka nisur ndonjë lidhje të re, se tek e fundit kush do ishte ajo vajzë që do të pranonte që i dashuri të mbante fotot e ish-gruas së tij.
E pyetur nga Arbana, Semi nuk e ka përjashtuar dëshirën e ndonjë surprizë nga Bojkeni, që ai të shkonte ta takonte në shtëpinë e Big Brother Vip.
Kur nisën të dilnin bashkë, Semi ishte vetëm 19 vjeç, ndërsa Bojkeni 36 vjeç. Të dy ishin të apasionuar pas rokut dhe kanë punuar bashkë për një periudhë të caktuar kohore kur Semi ishte vokalistja e grupit “Bojken Lako dhe Brezat”.
/VIP-MAGAZINE.AL/
