Avokati i ish-ministrit të Brendshëm Saimir Tahiri, Maks Haxhia ka kërkuar që shteti të marrë masa për mbrojtjen e jetës së klientit të tij.
Haxhia tha se Tahiri vetë nuk ka pretendime se mund t’i rrezikohet jetë, por që kjo nuk do të thotë që ai të lihej i pasigurtë.
“Sot paradite e kam takuar, është tek 313, është në gjendje shumë të mirë shpirtërore. Pritet që të transferohet. Nuk besoj t’i rrezikohet jeta, nuk është nga ata tipa që i lëviz qerpiku e nuk ka ngritur pretendime të tilla. Por kjo nuk do të thotë që qeveria të mos marrë të gjitha masat e nevojshme për ta lënë të sigurtë,” tha Haxhia ndër të tjera për Opinion.
