Amen, djali i Bes Kallakut dhe Xhensila Myrtezajt, feston ditëlindjen e tij të dytë, ndërsa edhe pse të ndarë, prindërit nuk kanë munguar me urimet e tyre në jëtë ditë të veçantë. Këngëtarja ka zgjedhur ta quajë të birin e saj një shpëtimtar, në momentet kur errësira kishte pushtuar jetën e saj.
“Amen, Ti, bebe e bekuar, që solle dritë në jetën time, solle forcë aty ku mendova se s’kishte asnjë, dhe më dhurove çdo ditë copëza parajse që nuk dija të ishin të mundshme. Ti je engjëll që erdhe në botë, me sytë e qeshur që shuan çdo errësirë, dhe më bëre të kuptoj se dashuria është diçka më e fuqishme se çdo mundim, sakrific.
Çdo hap i yti është një bekim për këtë botë, dhe kur të shoh, më duket sikur shoh një pjesë të qiellit këtu, midis nesh. Jeta ime tani ka kuptim, sepse ti ke sjellë dritën e tij, pa u trembur nga errësira. Ti më dhe forcën që nuk e dija se e kisha. Me ty, çdo veshtiresi u bë më e lehtë dhe çdo errësirë mori
drite. Ti me shpetove, Amen, më shpetove jetën, my savior, shpetimtari im. Falë teje, ndjej se mund te pushtojmë botën te tre sëbashku.
Qëndro gjithmonë i mirë, ashtu siç erdhe, si një engjëll – biri im. Duaje veten, duaje gjakun tënd, dhe duaje çdo kënd të botës, pavarësisht nëse ata e meritojnë apo jo.
Krishti qoftë gjithmonë me ty, me duar të shtrira mbi ty, me forcën që të udhëheq dhe të mbron çdo ditë. Ti je më shumë se çdo njeri që mund të njoh, je pjesë e diçkaje më të madhe.
Gëzuar ditëlindjen, engjëlli im, shpirti im i ndritshëm. Je drita që mbush jetën time, dhe falënderoj Zotin që ekziston, që je këtu, që je djali im. Të dua me një dashuri që as fjala s’mund ta përshkruajë, por që është më e fuqishme se çdo dritë, më e fortë se çdo dhimbje. Une gjithmonë do te jem ketu për ty, me zemën time te hapur dhe pa kushte. Te dua Mama Sila”, shkruan Xhensila në postimin e saj.
Ndërsa Besi, i cili poston rrallë për të birin, në krahasim me Ajkën, që tashmë është një ‘zonjushë e rritur’, shkruan: I vogli im, djali me superfuqi engjellore i ban 2 vjeç. U rritsh me Zotin biri im. Ai do te ta plotesoje shpirtin dhe do te te forcoje eshtrat. Me gjithe dashurine e zemres sime them Amen!
Bes Kallaku dhe Xhensila Myrtezaj u divorcuan zyrtarisht në Janar të këtij viti, pas dështimit të martesës së tyre dhe krizës që kaluan pas lindjes së Amen. Aktori nuk ka komentuar arsyet e ndarjes, ndërsa këngëtarja është shprehur se vendimi për divorcin është marrë nga ana e saj, për shkak se martesa nuk po funksiononte më, teksa tregoi se forcën e gjeti tek dy fëmijët, Ajka dhe Amen. Myrtezaj u shpreh se mungesa e komunikimit me ish-partnerin e saj Bes Kallakun ishte një arsye pse çoi ata drejt divorcit
