Në Shqipëri ndodh gjithmonë që kur del diçka e re, njerëzit ndahet në dy kampe. Njëri kamp thotë: “Kjo është e ardhmja”. Kampi tjetër, më fanatikët përgjigjet: “Jo more, ca gjëra duhet të ruhen siç janë”. Ndodh që të gjendesh edhe mes këtyre dy kampeve, pra ta pëlqesh të renë por duke qenë skeptik.
Këta të fundit ishim ne, kur nisën diskutimet pro dhe kundër për hapjen e bankës 100% digjitale në Shqipëri. Na kurizoi si lajm por nuk ishim të bindur sa mund t’i besonim. Kështuqë vendosëm të bënim hulumtimin tonë.
Ajo që na bëri çudi fillimisht ishte se ishin të shumtë ata që po e sulmonin, por më të shumtë ishin ata që e vlerësonin si bankën që duhej të kishte ardhur kohë më parë tek ne.
Lexo edhe:
Po flitej kudo, në media e rrjete sociale, në tavolina mes miqsh e kjo na e shtoi edhe më shumë kureshtjen.
Vip Magazine mësoi nga burime konfidenciale se që kur u shpall lista e pritjes, regjistrimet shkuan përtej pritshmërive që kishte edhe banka vetë. Numër që u reflektua edhe me hapjen e llogarive, përmes aplikacionit Jet Bank.
E shkarkuam edhe ne app-in për të kuptuar si funksionte kjo bankë e gjitha në telefon.
Një re e madhe e bukur na u shfaq duke na tunduar të zhyteshim edhe më tej, derisa përfunduam në hapjen e llogarisë. Ishte kaq thjeshtë e kaq praktike sa s’po na besohej. Karta virtuale ishte në celuar, pasi kaluam të gjithë filtrat e sigurisë e firmosjen e kontratës. Të gjitha u bënë aty, tak- fak brenda pak minutave.
Epo pse u dashka kritikuar kjo bankë që ta bëka jetën fushë me lule!? Ç’të keqe ka që të kesh zgjidhje, pa shkatërruar nervat nëpër degë bankash!?
Kur mund t’i bësh të gjitha veprimet nga telefoni, pa lëvizur nga shtëpia, pa kërkuar parkim, pa pritur numrin në sportel dhe pa paguar komisione, diskutimi bëhet shumë më praktik sesa teorik.
Modeli i bankës plotësisht digjitale nuk është shpikje futuriste. Në Europë përdoret prej vitesh nga miliona njerëz. Shqipëria thjesht po hyn në të njëjtin ritëm.
Në fund të fundit njerëzit zakonisht zgjedhin atë që u kursen kohë, u kursen para dhe ua bën jetën më të thjeshtë. Ndërsa debatet do të vazhdojnë, trendi ndërkohë duket se ka zgjedhur tashmë drejtimin e vet.
/Vip-magazine.al/
