Ledion Liço ka konfirmuar se do të rikthehet edhe vitin e ardhshëm në drejtimin e “Big Brother VIP”. I ftuar në “Goca dhe Gra”, moderatori u ndal te emocionet dhe momentet më të forta të këtij edicioni, duke e cilësuar si një sezon të balancuar mes lojës, ndjenjave dhe surprizave.
Teksa foli për finalen dhe sfidat e menaxhimit live të disa situatave delikate brenda shtëpisë, Ledioni u shpreh se i pëlqen një fitues që lë shije të mirë dhe ndikon pozitivisht. Në fund, ai konfirmoi qartë praninë e tij edhe sezonin e ardhshëm me fjalët: “Po do të jem vitin që vjen, shihemi.”
