Moderatori i njohur Syriani ka njoftuar se nuk do të jetë më në drejtimin e emisionit “Mes’ditë”.
Përmes një postimi në rrjetet sociale, ai ka ndarë me ndjekësit vendimin, duke e cilësuar eksperiencën në emision si një rrugëtim “të mrekullueshëm, sfidues, surprizues, por jashtëzakonisht të suksesshëm”.
“Zyrtarisht ju them që NUK do të jem më në drejtimin e emisionit ‘Mes’ditë’”, shkruan moderatori, duke shtuar se tashmë është koha për t’u përqendruar në projekte të reja.
Lexo edhe:
Syriani ka falënderuar gjithashtu publikun për mbështetjen, dashurinë dhe mikpritjen, ndërsa është shprehur optimist për rikthimin e tij të shpejtë në ekran.
“Drita e kuqe do ndizet e ne do të shihemi shumë shpejt sërish!”, përfundon ai mesazhin e tij.
