Alketa Vejsiu pritet të jetë pjesë e “Big Brother VIP Albania 6”. Zërat për rikthimin e moderatores në format kanë qarkulluar prej ditësh, ndërsa gazetari Elton Tozaj ka deklaruar për “Vip Magazine” se Vejsiu do t’i bashkohet edicionit të ardhshëm.
Ende nuk dihet se cili do të jetë roli i saj në spektakël. Pyetja që mbetet e hapur është nëse Alketa do të rikthehet në ekranin e “Big Brother” si moderatore apo do të marrë sërish rolin e opinionistes, pasi në janar të këtij viti ajo u shfaq në këtë pozicion në një nga puntatat e formatit.
Megjithatë, rikthimi i saj në “Big Brother VIP Albania” duket se ka marrë edhe një sinjal nga vetë Alketa. Moderatorja ka pëlqyer intervistën e Elton Tozajt të publikuar në Instagramin e “Vip Magazine”, një veprim që mund të shihet si një konfirmim i heshtur i këtij angazhimi.
Lexo edhe:
Vejsiu, ndërkohë, e ka shprehur publikisht edhe më herët lidhjen e saj me formatin. Gjatë paraqitjes në “Big Brother VIP Albania 5”, ajo deklaroi se, nëse do të kishte vazhduar karrierën në Top Channel, do ta kishte prezantuar vetë “Big Brother”-in.
