Prezantuesja e finales së Eurovision-it në Vjenë, Victoria Swarovski, u shfaq me tre paraqitje të kuruara nga stilistë nga Kosova.
Një prej fustaneve në ngjyrë të gjelbër smeraldi ishte krijim i Valdrin Sahiti, ndërsa një tjetër veshje elegante mbante firmën e Drenusha Xharra. Edhe një nga paraqitjet e saj skenike ishte dizajnuar nga Sahiti, duke reflektuar stilin e tij të njohur glamuroz dhe skenik.
Veshjet e saj kanë bërë jehonë në mediat e lidhura me organizimin e Eurovision-it, duke vënë në dukje emrat e stilistëve nga Kosova dhe bashkëpunimin e tyre në një nga skenat më të mëdha televizive në Evropë.
