Një intervistë e rrallë në emisionin “Goca dhe Gra” solli përballë njëri-tjetrit Mark Frrokun dhe Rudina Dembacajn, të cilët folën hapur për raportin e tyre, familjen dhe mënyrën si përballojnë sfidat e përditshme.
“Jemi në moment delikat familjar. Jo unë dhe ti, por familja ka problemet e veta. Ka shpërthime, ka pendesa, ka diskutime. Çfarë mendon se na mban bashkë akoma?”, tha Rudina.
“Të gjithë jemi një varg. Dikush më shumë dhe dikush më pak ka problemet e veta ekonomike, shoqërore, familjare. Të mos bëjmë sikur jemi mirë nga të gjitha anët. Të gjitha duan mund, punë dhe përgjegjësi. Jeta luftë është. Ne na mban bashkë dashuria”, tha Marku.
