Performanca e Alis Kallaçi me këngën “Nân” po vazhdon të tërheqë vëmendjen e mediave ndërkombëtare. Së fundmi, prestigjiozja Associated Press e ka renditur Shqipërinë në mesin e 10 performancave më të mira të këtij edicioni të Eurovision Song Contest 2026.
Në artikullin e saj, AP ndalet te atmosfera dramatike e këngës dhe skenografia emocionale që shoqëron performancën e Alisit në skenë, ku një nga momentet më të spikatura është prania e aktores Raimonda Bulku, që simbolizon figurën e nënës.
“Kënga hapet me një thirrje, ku një kor me atmosferë kishtare e shton edhe më shumë teatralitetin. Dramatike, për të thënë më të paktën! Pastaj, Alis merr kontrollin. Gjithçka zhvillohet si kolona zanore e një skene emocionale në një film blockbuster”, shkruan Associated Press.
Lexo edhe:
Media ndërkombëtare veçon edhe elementët vizualë të performancës, përfshirë momentin kur në ekran shfaqen imazhe të djemve, një referencë simbolike ndaj emigrimit dhe largimit nga familja.
