Deçani është tronditur mbrëmë pas mesnate nga një incident i rëndë, ku të paktën tre persona janë plagosur nga të shtëna me armë zjarri. Sipas informacioneve të mediave vendase, të plagosurit janë dy pjesëtarë të nacionalitetit serb dhe një shqiptar.
Ngjarja ka ndodhur në një lokal, ku menjëherë kanë ndërhyrë njësitet policore dhe ekipet mjekësore. Ata u kanë ofruar ndihmën e parë të plagosurve dhe i kanë dërguar për trajtim të specializuar në spital.
Policia e Kosovës ka konfirmuar se lidhur me këtë ngjarje është arrestuar një person i dyshuar, i nacionaliteti shqiptar, i cili dyshohet se ka shtënë me armë zjarri. Gjatë kontrollit në vendin e ngjarjes, autoritetet kanë sekuestruar armën e dyshuar të përdorur në incident.
Lexo edhe:
Për këtë rast, prokurori kompetent ka marrë vendim për ndalimin e të dyshuarit, ndërsa ndaj tij pritet të ndërmerren veprime të mëtejshme hetimore. Rasti është inicuar si “shkaktim i rrezikut të përgjithshëm” dhe “lëndim i rëndë trupor”. Hetimet për të sqaruar rrethanat e plota të ngjarjes janë duke vazhduar.
