Bora Zemani komentoi një shprehje të përdorur para disa javësh nga Arbana Osmani për të përshkruar mjedisin televiziv, se ishte i mbushur me gjarpërinj dhe hardhuca.
Në “goca dhe gra”, Bora u pyet nga moderatoret lidhur me konkurrencën dhe sa mbështetës janë moderatorët me njëri-tjetrin. Pyetur nga Rozana nëse ka gjarpërinj dhe hardhuca, Bora tha se tani ata kanë ikur, shkruan Vip Magazine.
“Nuk ka më, jemi qetë. Në rrethin tim, nuk ka. Unë kam ca vite që punoj me të njëjtin staf. Më duket pak e rëndë për të përshkruar kolegët apo ish-kolegët në formë të tillë. Konkurrenca është e shëndetshme”, deklaroi Bora Zemani.
Nderkohë ajo u pyet edhe se kë zgjedh për drejtimin e Big Brother mes Arbanës dhe Ledionit.
“Në shijet e mia, për gjithë formimin, batutën është Ledioni gjithmonë. Unë e shijoj, mund të shoh 4-5 orë Big Brother. Jam aty me Ledionin gjithmonë”, deklaroi Bora.
