Eva Murati ka sqaruar deklaratën e saj të mëparshme për dasmën e Genar Topallit dhe Cindy Marinas, e cila u bë lajmi i ditës në media.
Moderatorja sportive u shpreh në një mesazh për Ronaldo Sharkën në Top Albania Radio se ishte keqinterpretuar dhe se gjithçka kishte nisur pas një provokimi, duke theksuar se nuk dëshiron të jetë pjesë e një “telenovele” mediatike.
“Besoj se shumë njerëzve iu ka ardhur si bombë pasi nuk është në natyrën time të shkruaj kështu apo të merrem me deklarata të tilla.
Lexo edhe:
Më vjen keq për gjithë këtë sepse rashë totalisht në kurth. Ishte një përgjigje e kthyer pas provokimeve të njëpasnjëshme në anglisht nga e njëjta adresë dhe për t’ia mbyllur gojën u krijua kjo situatë e pakëndshme. E them me bindje kurth sepse gazetat e morën në mënyrë të njëpasnjëshme komentin, gjë që nuk kishte ndodhur më parë. Fatkeqësisht dhe padashur u bëra pjesë e një telenovele që realisht nuk dua të jem pjesë. Jetë të lumtur për të gjithë”, shprehet Eva Murati.
/Vip Magazine/
