Një tërmet me magnitudë 4.3 të shkallës Rihter është regjistruar në orët e para të mëngjesit të sotëm në Shqipëri.
Sipas Qendrës Sizmologjike Shqiptare (lbquake.geo.edu.al), lëkundjet ndodhën në orën 05:04:05 (GMT) të datës 24 qershor 2025, me epiqendër në zonën e Niklit, në qarkun e Durrësit.
Tërmeti kishte një thellësi prej 5.6 kilometrash, duke e bërë atë të ndjehej fuqishëm në zonat përreth si Tiranë, Krujë dhe Fushë-Krujë.
Lexo edhe:
Nuk raportohet për dëme materiale apo persona të lënduar, por shumë qytetarë janë zgjuar nga gjumi për shkak të intensitetit të lëkundjeve.
Ekspertët e sizmologjisë theksojnë se Shqipëria ndodhet në një zonë aktive sizmike dhe ngjarje të tilla janë të pritshme, ndaj i bëjnë thirrje qytetarëve të qëndrojnë të qetë por gjithmonë vigjilentë për masat e sigurisë.
