“Ka qenë një rrugëtim i gjatë, i bukur dhe i vështirë, por një fat i madh t’i jepet dikujt kjo mundësi. Mund të jesh i ri në moshë, por i pjekur në mendime. Nuk ka sukses më të madh sesa ta tregosh veten në këtë mënyrë. Unë besoj se e kam bërë,” u shpreh ai.
Anduel Kovaçi ishte një nga finalistët e “Ferma VIP 2”, ku përballë tij për çmimin e madh qëndroi reperi Big Basta i cili në fund u shpall fitues. I ftuar mëngjesin e sotëm në një emision televiziv, Andueli rrëfeu emocionet e këtij rrugëtimi dhe e quajti eksperiencën një nga më të paharrueshmet e jetës së tij.
Gjatë intervistës, Andueli foli edhe për partneren e tij, Klean, e cila pavarësisht se nuk është personazh publik, ka tërhequr vëmendjen gjatë spektaklit. Ai tregoi se Klea e ka përjetuar rëndë ndarjen gjatë kohës së formatit. “Më tha: Mos u largo më prej meje. Sepse nuk kishim qenë kurrë kaq gjatë larg,” u shpreh ai, duke theksuar se ajo ishte shumë krenare për të.
Lexo edhe:
Në lidhje me emocionet e forta që përjetoi në momentin e finales, Andueli rrëfeu se pamja e nënës dhe gjyshit në publik e preku thellë.
“Në një cep pash nënën dhe gjyshin që ishin atje. Nuk është zhgënijm për ato sepse arrita deri në atë pikë. Por më dhimbsen. Kisha të njëjtën ndjesi kur isha në festival. Kur i pash kisha shumë emocion. Më prek prezenca e tyre. Dua tu tregoj më të mirën time. Tregoj dobësi sa herë i shoh.”
I pyetur për raportet me banorët, Andueli tregoi se sipas tij, disa prej pjesëmarrësve nuk ishin të sinqertë gjatë lojës. “Alba, Big Basta dhe Elinara nuk ishin të vërtetë. Këtë e ndienim brenda. Por gjithçka mbetet në kuadër të lojës. Nuk kam hatërmbetje, por nëse vazhdojnë lojën edhe jashtë, unë nuk përtoj,” tha ai me humor.
Ndërkohë, Andueli përmendi edhe lidhjen e veçantë që krijoi me Andreas gjatë formatit, duke e konsideruar atë si një mik të afërt. “Na bashkojnë vuajtjet, sakrificat dhe rruga e jetës. Kemi pasur një kimi të vërtetë dhe donim të tregonim se edhe në këto formate mund të lindin miqësi të sinqerta.”
Në fund të intervistës, Andueli zbuloi disa nga planet e tij në muzikë. Ai tha se kënga e tij e parë do të jetë në bashkëpunim me Big Mamën, ndërsa do të pasohen edhe projekte me artistë si Frederiku, Roni dhe Esteri. Nuk përjashtoi gjithashtu një bashkëpunim të ardhshëm me Big Bastën, pavarësisht ndasive në lojë.
