Këngëtarja e njohur shqiptare, Dafina Zeqiri, ka ndarë së fundmi një mesazh të fuqishëm në platformën “Threads”, ku ka folur hapur për zhgënjimin që ndjen ndaj gjykimeve që disa burra bëjnë në internet ndaj trupave dhe emocioneve të grave shtatzëna. Dafina theksoi se shtatzënia është një proces natyral dhe unik për çdo grua, i mbushur me sakrifica të mëdha fizike dhe emocionale.
“Unë me të vërtetë e përçmoj mënyrën se si disa burra, sidomos online, gjykojnë gratë, veçanërisht gratë shtatzëna, për mënyrën si ndryshojnë trupat dhe emocionet e tyre”, – shkroi ajo, duke nënvizuar rëndësinë e respektit dhe mirëkuptimit për këtë periudhë të ndjeshme të jetës së një gruaje. Më tej, artistja shprehu kënaqësinë që do të sjellë në jetë një djalë, duke premtuar se do ta rrisë me ndjenja të thella respekti ndaj grave.
“Është dhimbshme, por më jep fuqi të di që po sjell në jetë një djalë dhe do ta rris me respekt të thellë për gratë”. Në postimin e saj, Dafina u shpreh gjithashtu se shumë burra duhet të jenë më të vetëdijshëm për dhimbjen, ndryshimet hormonale dhe presionin emocional që përjetojnë gratë gjatë shtatzënisë.
